عبدالمجيد العنزي
الأدارهـ
عدد المساهمات : 106
تاريخ التسجيل : 11/05/2011
العمر : 44
الموقع : الرياض
 | | موضوع: حروف برية,, السبت مايو 14, 2011 9:41 am | |
| السلام عليكم ورحمة الله و بركاته
اخواني اخواتي عشاق و محبي البر و الكشتات أسعد الله أيامكم بكل أنس وسعاده
اليوم بطرح لكم فكرة بسيطة و ارجوا منكم التفاعل معي للفائدة العامه
كل شـــــخص يدخل هنا لا يخرج قبل ان يضع لنا مشكلة او خطر او تصرف خطاء
في رحلات البر و الأماكن التى يجلس فيها الشخص مع العائلة او شباب .
======
والبدايه مع بعض القصيد :
لا لا ينسيك الفرح بعض الآفات
لقدار ما تعطيك موعد قدرها
واطلب جليل الملك في كل الأوقات
انه يكافيك البلا ومع خطرها
هاذي نصيحة جتك ما من كل الآفات
قوالها حسب الشروط واختصرها
محمد جلمود
وجنِّب بطون الأودية كل الأوقات
عنها النصايح واردة في أثرها
السيل ماله عن مجاريه ميلات
ما وقفه فعل السنين وبشرها
وغض البصر عما يضايق وعورات
بر وحضر للجار حق وسفرها
فهد بن عقيل الطويان
وادي الرمة مجراه من بيت أبانات
وادي الرشاء برقه حنوقه غمرها
والوسم مقفي والعقارب بعيدات
والمربعانيات جانا نذرها
واجبال حاتم من عصور قديمات
مقر ناسي تكرم اللي خطرها
بدر بن خلف الحزيمي
سلامتك عندي تراها مسرات
بالله تربص وانتبه من خطرها
خلك من الوديان فوق المطلات
من أجل تامن لا يشلك حشرها
فكر قبل تمسي بدار الوفيات
لا ترمي الروح العزيزة قبرها
علي جابر الفيفي
إليا جاء المطر خلك بروس الطويلات
أسلك صحيح الأرض وأترك وعرها
لمستنقعات الأرض والسيل نكبات
للي يقرّب حولها ما اعتبرها
ياما غدابه من نفوس برئيات
من سبة الاهمال لاقت خطرها
محمد بن عبيد الديحاني
كم واحدن كم واحدن فالخلاء مات
نفس البنادم ربي اللي ومرها
لا جاء الربيع أو صار للبر سجات
الأودية ياقو والله خطرها
هاذي نصيحة كان تسمع للأبيات
أخذ الحذر لاقام ينزل مطرها
نواف نايف هلال الحزيمي
لا تحسب ان البر روحه وجيات
ما ينومن وقت المطر من ضررها
لا تحسبنه لعبتك لعبة الشات
كم واحد راحت حياته خسرها
امسك محلك فالمطر بعض الأوقات
لا تقول أنا علان ما أخشى خطرها
مبارك محمد الدوسري وادي الدواسر
ماجد يقول الصدق من حسن نيات
خل التهاون وابتعد عن خطرها
كم من نفوس روّحت ظرف لحظات
تبي التسلي ثم جاها قدرها
واحذر من الوادي ترى السيل غفلات
تلقاه خالي وكم نفوس غدرها
محمد بن عبدالعزيز الخنيفر - أشيقر
إذا نويت البر يا طيب الذات
احذر تجي مرا السيول وخطرها
بعد عن دروب الخطر والمتاهات
دور سهول الأرض واترك وعرها
انصحك قبل تصير رحلتك ماسات
وتعود نفسك هايمة من قهرها
سلطان بن حمد الحبابي
يا ماجد الماجد زبون الونيات
نصيحتك بالقرم ما أكثر ضررها
من ينزل الشعبان جنة مخبات
يالليل لا تسكن بداخل وعدها
عليك مسكان الجبال المنيفات
تبعد عيالكن مصايب خطرها
حميد خلف الملفي
ياما ظهروا ناس يبون الوناسات
وقت المطر سال الشعيب وغمرها
من يوم أنا شفت الجريدة والابيات
بيت وصدى وسط الخزامى سطرها
يلزم على القاري يشارك بلمحات
تحكي عن أخطار السيول وضررها
=================
1 ــ نريد الفرح نريد الوناسة و تغيير الجو و الروتين اليومي نريد نطلع للبر لكن لا نريد ان نترك المكان
وســـــــــخ لأنه فيه غيرك بيجلس فيه او ربما انت تعود له مرة ثانية
2 ـــ احــــذر الطين و لا تغامر وتدخل فيه و خاصة اذا كنت بعيد عن الناس .
3 ـــ احـــــذر الثعابين و خاصة عند جخور الجرذان و الأشجار الكثيفة .
4 ــــ احــــــذر السدود و الحفر المليانه بالسيول ابعد اطفالك عنها
لا تقول براقبهم ربما تغفل عنهم لحظة تكون اخر لحظاتك معهم .
5 ــــ احــــــذر مسك البريق او الحديد على النار بيدك بدون قفازات ربما تحرق يدك
و يتكدر خاطرك وتحوس وناستك .
اخوان الاخطاء و الأخطار كثيرة جداً و حتى لا اطيل عليكم اترك الفرصة لكم
ولي عودة معكم وكل عضو مسموح له العودة من هنا اكثر من مرة .
وتقبلوا ارق التحايا  | |
|
